Studiuesit janë duke hulumtuar rreth ndërlidhjes në mes aromës tuaj dhe gjërave që hani, dhe faktit nëse kjo është atraktive për gjininë e kundërt.
Studimi më i ri shkencor, i drejtuar nga një grup psikologësh nga Universiteti australian i Macquarie, kanë vëzhguar se si regjimi juaj ushqimor ndikon në aromën e trupit.
Studiuesit thanë se qëllimi ishte për të determinuar përkatësisht aromën e djersës, duke e gjykuar nga atributet pozitive nëse regjimi është më i pasur me fruta dhe perime.
Për të testuar hipotezës e tyre, studiuesit kanë analizuar 45 meshkuj dhe 9 femra, rreth moshës 18 dhe 30 vjeçare. Meshkujt u trajnuan të mbajnë evidencë të ushqimeve që konsumuan për dy ditë rradhazi. Gjatë kësaj kohe, bluzat ishin të vetmet rroba që u lejohej të vishnin. Përpos kësaj, ata u inkurajuan të bënin edhe ushtrime fizike, por asesi të bënin dush apo të përdornin sapunë për pastrim, dhe freskim me deodorantë.
Pas eksperimentit, bluzat që meshkujt kishin mbajtur të veshura gjatë kësaj kohe, u dorëzuan në laborator bashkë me listën e ushqimeve që kishin konsumuar. Pastaj, femrave iu kërkua të japin notën e tyre për aromën e secilës bluzë që kishin nuhatur, shkruan Health Line, transmeton Gazeta Shneta.
Studiuesit thanë se meshkujt të cilët konsumuan më shumë ushqime me bazë barishtore, kishin prodhuar aromë më të lehtë dhe më të mirë të trupit. Ndërsa pjesa tjetër e meshkujve, që ishin ushqyer me ushqime të ndryshme, në përjashtim të pemëve dhe perimeve, kishin aromë më të rëndë dhe të papëlqyer nga femrat. /Gazeta Shneta/