Studimet e fundit të botuara tregojnë se meshkujt fillojnë të shfaqin simptomat e para të sëmundjeve të zemrës rreth shtatë vjet më herët se gratë.
Ky ndryshim lidhet me faktorë biologjikë, hormonalë dhe mënyrën e jetesës, dhe ka implikime të rëndësishme për parandalimin dhe trajtimin e hershëm të sëmundjeve kardiovaskulare, shkruan Live Science, transmeton Gazeta Shneta.
Shkencëtarët shpjegojnë se hormonet femërore, veçanërisht estrogjeni, ofrojnë një efekt mbrojtës tek gratë deri në menopauzë.
Nga ana tjetër, burrat shpesh preken më herët nga hipertensioni, kolesteroli i lartë dhe faktorë të tjerë risku si pirja e duhanit dhe stresi i lartë.
Ekspertët rekomandojnë se meshkujt duhet të fillojnë kontrollet e rregullta shëndetësore dhe modifikimet e stilit të jetesës më herët, duke përfshirë dietë të shëndetshme, aktivitet fizik të rregullt dhe monitorim të tensionit të gjakut dhe niveleve të kolesterolit. Kjo mund të zvogëlojë rrezikun e komplikimeve serioze si sulmet në zemër dhe goditjet në tru. /Gazeta Shneta/