Loja – një aktivitet mjaft argëtues , ku fëmijët arrijnë të socializohen me njëri tjetrin.Fëmijët nuk hezitojnë asnjeherë për të luajtur dhe me kreativitetin e tyre arrijnë të krijojnë lojëra të reja.
Përkundër faktit që loja është vështirë të përkufizohet,më saktësisht ajo është një sjellje e lumtur.Loja kryesisht mund të jetë vetëm zbavitje,por edhe mundësi për zgjerim të njohurive lidhur me rrethanat e ndarjeve sociale-mënyrat e përpunimit të problemeve sociale shkruan Psikologjiadheshendeti , transmeton GazetaShneta.
Nëpërmjet lojës fëmija zhvillohet dhe aftësohet për ardhmërinë dhe obligimet që sjell,loja avancon zhvillimin e fëmijës,por nga ana tjetër edhe zhvillimi i jep mundësi të reja lojës.
Mendohet se baza e lojës,përpos argëtimit,është modelimi i jetës së të rriturve,në rradhë të parë,të prindërve dhe personave që i konsiderojmë të rëndësishëm.Ndodh që prindërit të jenë të stërngarkuar me aktivitete,se koha e paktë që kanë nuk u mjafton që t’u përkushtohen kërkesave të natyrshme të fëmijës për të bashkëvepruar(për të lozur bashkë)
Shumë prindër përpiqen të të kompenzojnë kufizimin e veprimit,mungesën e kohës duke u blerë fëmijëve lodra të shtrenjta dhe luksoze.
Lodrat asnjëherë nuk mund të zëvendësojnë nevojën e fëmijës për hapësirë të lirë veprimi dhe përkujdesjen prindërore.Nëse kushtet kryesore psikologjike të zhvillimit të fëmijës janë të përshtatshme(përjeton ngrohtësi,inkurajim,mbështetje emocionale dhe morale)atëherë atij i mjaftojnë disa lecka apo objekte të thjeshta prej të cilave do të krijojë një botë të re,të bukur dhe ekzistuese.
Nëpërmjet menaxhimit të drejtë të lojës,fëmija si në asnjë mënyrë tjetër,mund t’i shpreh brengat dhe frikësimet e ndryshme nga të cilat vuan.
Prindër të nderuar,mundohuni që të ndani sa më shumë kohë për fëmijët tuaj,koha ka më shumë vlerë se sa lodrat e shtrenjta./ psikologjiadheshendeti