Miliona të moshuar e të vetmuar janë viktima të fshehura të shëndetit mendor, tregojnë shifra tronditëse.
Të dhënat e fundit tregojnë se 75 për qind e atyre të moshës 70 e sipër dhe 75 për qind e njerëzve të moshës 50-69 vjeç janë të shqetësuar për thellimin e krizës së kostos së jetesës, shkruan Express.co.uk përcjell Gazeta Shneta.
Ndërkohë, më shumë se gjysma janë të shqetësuar për variantet e reja të Covid ndërsa një e treta ende kanë panik për pasojat e sëmundjes.
Ndikimi është më i rëndë për një brez që shpesh nuk është i gatshëm të flasë dhe të kërkojë ndihmë.
Sot në Ditën Botërore të Shëndetit Mendor, Caroline Abrahams, Drejtoresha e Shoqatës së Bamirësisë në ‘Age UK’, paralajmëroi se:
“Është zemërthyese të mendosh se disa të moshuar mund të përjetojnë ankth, depresion ose probleme të rënda të shëndetit mendor dhe nuk po përpiqen të marrin ndihmën që kanë nevojë dhe meritojnë.”
Drejtoresha Abrahams shtoi se: “Lajmi i mirë është se ne të gjithë mund të bëjmë çmos për të ndihmuar, megjithëse duke kontaktuar me të afërmit dhe miqtë më të vjetër për një bisedë përmes telefonit ose një vizitë ballë për ballë.”
Organizata Botërore e Shëndetësisë, pranon se depresioni dhe ankthi janë rritur për shkak të stresit dhe izolimit gjatë pandemisë.
Drejtori i përgjithshëm i OBSH-së, Tedros Adhanom Ghebreyesus tha se: “Informacioni që kemi është një thirrje zgjimi për të gjitha vendet që t’i kushtojnë më shumë vëmendje shëndetit mendor”. /Gazeta Shneta/