Ministri Arben Vitia ka vlerësuar larg Kongresin e Dytë Ndërkombëtar të Fizioterapisë të organizuar nga Oda e Fizioterapeutëve të Kosovës.
Ministria e Shëndetësisë ka dal sot me një komunikatë për media për pjesëmarrjen e ministrit Arben Vitia në hapjen e Kongresit të Dytë Ndërkombëtar të Odës së Fizioterapeutëve i cili është mbajtur të premten dhe të shtunën, shkruan Gazeta Shneta.
Sipas njoftimit, Vitia e ka vlerësuar këtë Kongres si një platformë të shkëlqyer për shkëmbimin e përvojave në fushën e fizioterapisë.
“Odat e profesionistëve shëndetësor si organizata të pavarura profesionale përpos që mbrojnë dhe prezantojnë interesat profesionale të anëtarëve të saj, kanë një rol jashtëzakonisht të rëndësishëm për të siguruar standardet e larta, si dhe të sigurojnë edukimin e vazhdueshëm profesional me qëllim të ofrimit sa më cilësor të shërbimeve shëndetësore dhe shërbimeve tjera që kanë të bëjnë me kujdesin shëndetësor”, ka thënë Vitia.
Njoftimi i plotë nga MSH:
Ministri Vitia: Kongresi i 2-të Ndërkombëtar të Fizioterapisë – një platformë e shkëlqyer për të ndjekur praktikat më të mira rreth zhvillimit në fushën e fizioterapisë
Ministri i Shëndetësisë Dr. Arben Vitia ka thënë se Kongresi i 2-të Ndërkombëtar të Fizioterapisë ishte një platformë e shkëlqyer për të shkëmbyer ide dhe për të ndjekur praktikat më të mira rreth zhvillimit në fushën e fizioterapisë.
“Odat e profesionistëve shëndetësor si organizata të pavarura profesionale përpos që mbrojnë dhe prezantojnë interesat profesionale të anëtarëve të saj, kanë një rol jashtëzakonisht të rëndësishëm për të siguruar standardet e larta, si dhe të sigurojnë edukimin e vazhdueshëm profesional me qëllim të ofrimit sa më cilësor të shërbimeve shëndetësore dhe shërbimeve tjera që kanë të bëjnë me kujdesin shëndetësor”, theksoi Mnistri Vitia, në kongresin e organizuar nga Oda e Fizioterapeutëve të Kosovës.
Si ministër i Ministrisë së Shëndetësisë, theksoi ai, mbetem i përkushtuar që të mbështesim zhvillimin dhe edukimit të fizioterapeutëve konform ligjit të përcaktuar për odat e profesionistëve dhe respektimit të Rregullores së Fizioterapisë në Evropë – ESCO (European Skills, Competences, Qualifications and Occupations / Aftësitë, Kompetencat, Kualifikimet dhe Profesionet Evropiane).
“Zhvillimi i fizioterapeutit, si edhe në fusha të tjera të shëndetësisë, është një vazhdimësi e të mësuarit. Ai fillon me programin e edukimit të fizioterapeutit të nivelit fillestar që lejon hyrjen në profesion, i ndjekur nga zhvillimi dhe ruajtja e kompetencës së vazhdueshme për ta praktikuar, ecuri kjo e mbështetur nga korniza e edukimit të fizioterapeutëve të Fizioterapisë Botërore.Tashmë, siç e dini, në këtë qeverisje, është hapur Qendra Kombëtare e Mjekësisë Sportive dhe atë të Klinikës së Mjekësisë Fizikale me Rehabilitim. Kjo është struktura e vetme e kujdesit terciar shëndetësor në Kosovë, e cila ofron shërbime të diagnostifikimit si dhe të trajtimit të veçantë të patologjive të ndryshme përmes terapisë fizikale dhe të rehabilitimit, tha ai.
Ministri Vitia tha se paralelisht me përmirësimin e infrastrukturës fizike, Qeveria e Republikës së Kosovës po punon intensivisht edhe në përditësimin e infrastrukturës ligjore në fushat e mjekësisë sportive dhe mjekësisë fizikale dhe rehabilituese.