Ministria e Shëndetësisë ka publikuar listën e personelit shëndetësor të cilët e kanë të caktuar terminin për vaksinim ditën e nesërme në sallën “1 Tetori” në Prishtinë.
MSH ka sqaruar se personat që nuk janë në këtë listë, por të cilët janë vaksinuar më 5 maj 2021, do të kontaktohen përmes telefonit, shkruan Gazeta Shneta.
“Ftohen personeli i institucioneve shëndetësore, të cilët e kanë marrë dozën e parë të vaksinës kundër COVID-19 me datë 5 maj 2021, që nesër, e mërkurë, 2 qershor 2021, të paraqiten në sallën “1 Tetori” për marrjen e dozës së dytë, sipas termineve të caktuara në listën e bashkëngjitur.
Personat që nuk janë pjesë e kësaj liste, por që gjithashtu janë vaksinuar me dozën e parë më 5 maj, janë duke u kontaktuar përmes telefonit, që gjithashtu, të vaksinohen me dozën e dytë nesër”, thuhet në njoftim.
Listën e plotë me emrat e personelit shëndetësor e gjeni në këtë vegzë: Dozat-e-dyta-1-tetori-termini-2-qershor-2021 /Gazeta Shneta/