Ministria e Shëndetësisë së Kosovës (MSh), ka njoftuar rreth shtimit të shtatë autoambulancave të reja në vlerë mbi 450 mijë euro që ka destinacion Shërbimin Spitalor Klinik dhe Universitar të Kosovës (ShSKUK).
“Ndërsa për vitin që po hyjmë SHSKUK pajiset edhe me shtatë autoambulanca të reja në vlerë mbi 450 mijë euro, ku shpërndarja e tyre do të bëhet në fillim të vitit 2024”, thuhet në njoftimin e dhënë nga MSh-ja.
Komunikata e plotë nga Ministria e Shëndetësisë:
Gjatë këtij viti, në SHSKUK u investuan miliona euro në pajisje të reja moderne që ndikuan edhe në themelimin e shërbimeve të reja dhe në renovimin e hapësirave klinike, dhomave për pacient e sallat e operimit.
Ndërsa për vitin që po hyjmë SHSKUK pajiset edhe me shtatë autoambulanca të reja në vlerë mbi 450 mijë euro, ku shpërndarja e tyre do të bëhet në fillim të vitit 2024.
Klinikat dhe spitalet publike janë të furnizuara më shumë se kurrë me pajisje, materiale shpenzuese dhe barna.
Rritja e buxhetit për shëndetësi hap pas hapi po e transformon shëndetësinë publike.
Ministria vazhdon të mbetet e përkushtuar që të sigurojë sa më shumë pajisje moderne në mënyrë që të rrisim kualitetin e cilësinë në shërbime. /Gazeta Shneta/