Ministria e Shëndetësisë ka njoftuar specializantët se do t’iu ndërpritet kontrata nëse nuk i dorëzojnë formularët e ATK-së dhe Trustit Pensional të Kosovës.
Specializantët me këto dy dokumente duhet të vërtetojnë se nuk marrin paga të rregullta dhe as të hyra tjera financiare derisa kanë kontratë me MSH-në, shkruan Gazeta Shneta.
“Ju njoftojmë se duke u bazuar në Aneks – kontratat e nënshkruara në mes të Ministrisë së Shëndetësisë dhe specializantëve, Neni 3- Obligimet e specializantit janë:1) Çdo specializant e ka për obligim ta dorëzoj për çdo tre muaj në MSh, formularin e Administratës Tatimore të Kosovë dhe Trustit Pensional të Kosovës, me të cilin konfirmon se nuk ka te hyra të rregullta, e as të hyra të tjera financiare. Gjithashtu, ju njoftojmë se nëse specializanti nuk i zbaton dispozitat e kësaj kontrate, Ministria e Shëndetësisë do ta ndërpres mbështetjen financiare”, thuhet në njoftimin e MSH-së.
Ministria kërkon vërtetimet për Tre mujorët: -Prill-Maj-Qershor; -Korrik-Gusht-Shtator dhe -Tetor-Nëntor-Dhjetor
“Formulari të dorëzohet jo më vonë se pesë (5) ditë pas çdo tremujori tek Znj. Fahrije Marovci, objekti i MSh-së, zyra nr. 011)”, përfundon njoftimi. /Gazeta Shneta/