Dr. Ilir Ilazi, specialist i ORL’së ka ndërruar jetë në fundjavën që lamë pas.
Lajmin për vdekjen e tij e ka konfirmuar edhe Kolegji i Kirurgëve të Kosovës, shkruan Gazeta Shneta.
“Me pikëllim të thellë njoftojmë se u nda nga jeta Dr. Ilir Ilazi, anëtar i Kolegjit të Kirurgëve të Kosovës.
Dr. Ilazi ka qenë specialist i otorinolaringologjisë. Ai u ka shërbyer qytetarëve në Qendrën Klinike Univeristare të Kosovës në klinikën e ORL-së si dhe në institucione private shëndetësore.
Ishte mjek i përkushtuar ndaj profesionit të tij, mbi të gjitha ishte një njeri i dashur dhe shumë punëtor.
Kolegji i Kirurgëve të Kosovës shpreh ngushëllimet më të sinqerta familjarëve, miqve dhe kolegëve të tij”, thuhet në njoftimin e kolegjit.
