Ka ndërruar jetë edhe personi i dytë nga ngjarja e rëndë që ndodhi sot në Lagjen e Spitalit në Prishtinë ku mbeten të plagosur disa persona.
“Po, ka vdekur personi i dytë, i cili përkundër përpjekjeve të mjekëve, për shkak të gjendjes së rendë nuk ka arritur të mbijetojë”, ka thënë për Express, Shpend Fazliu nga QKUK. Ai ka treguar se personi i vdekur është M. Rafuna.
Avdush Bajgora, specialist reanimator në Emergjencë, tha se për momentin mjekët janë duke kryer dy intervenime kirurgjike në sallat emergjente. Ai ka thënë se gjendja e pacientëve të plagosur është e rëndë.
Kujtojmë se në Lagjen e Spitalit kishte mbetur i vdekur një preson dhe tre të tjerë janë plagosur pas një përleshje me armë zjarri që ka ndodhur në rrugën “Muharrem Fejza”. Deri tash për këtë rast janë arrestuar dy të dyshuar.
Merret vesh nga burime brenda Policisë dhe Emergjencës se personi i parë që ka vdekur është B.Mehmeti, derisa të plagosur kanë mbetur një 47 vjeçar me inicialet M.R, një 76 vjeçar me inicialet G.R dhe një 51 vjeçar me inicialet F.R. Dyshohet se rasti ka ndodhur për shkak të konflikteve pronësore. /Gazeta Shneta/