Para se të planifikoni të keni një fëmijë, duhet që edhe regjimi ushqimor të ndryshoj, pasi mënyra se si ushqehemi mund të ndikoj në këtë fazë.
Me rëndësi është të ndiqni një dietë ushqimore, duke kontrolluar ushqimet që hamë, pasi shtatzënia është një fazë delikate dhe mirëushqyerja është kryesore.
Çfarë duhet të konsumoni për të pasur një shtatzëni?
Hani pak dhe shpesh, respektoni 3 vaktet dhe dy mes vaktet. Gjithashtu është e rëndësishme që të ndryshohet ushqimi çdo ditë. Kështu ju do të merrni të gjitha vitaminat e nevojshme.
Në dietën që do ndiqni duhet të bëni një zgjedhje të kujdesshme të ushqimeve duke përfshirë më shumë perime dhe fruta të sezonit. Kujdes të veçantë duhet ti kushtohet larjes dhe përgatitjes së tyre.
A ndihmon acidi folik që të mbeteni shtatzënë?
Sigurisht që po. Ushqime si bishtajoret, perimet, frutat, agrumet e shpargu përmbajnë acid folik.
Prandaj ata që duan të kenë një fëmijë është mirë që të fillojnë të konsumojnë sa më shumë nga këto ushqime. Mund të filloni një muaj para konceptimit dhe 3 muaj pasi ka ndodhur shtatzënia.