Ndryshimi i klimës ka efekte të mëdha dhe të habitshme njëkohësisht në shëndetin mendor. Të paktën kështu thonë ekspertët.
“Ndryshimi i klimës është edhe shkaku kryesor për krizat nervore dhe sa më i shpeshtë të jetë, i përkeqëson më shumë ato”, thotë Dr.Lise Van Susteren, një psikiatre, anëtare e bordit këshillues në Qendrën për Shëndetin dhe Mjedisin Lokal, si dhe në Universitetin e Harvard.
Ekspertë nga organizata shëndetësore publike dhe universitete të ndryshme kanë zhvilluar një studim lidhur me impaktin e ndryshimeve klimaterike në shëndetin mendor.
Rritja e temperaturave dhe reshjet ekstreme të shiut janë të lidhur ngushtë me rritjen e nivelit të konflikteve mes njerëzve dhe grupeve.
Dhe këtë lidhje mes rritjeve të temperaturave dhe agresionit, ata e shpjegojnë me faktin se temperaturat e larta, rritin adrenalinën në trup, e cila mund të bëjë që të jeni më agresiv.
Ekziston edhe një “lidhje” mes rritjes së nivelit të ndotjes (që mund të shkaktohet nga rritja e temperaturave) dhe rritjes së rrezikut për problemet mendore.
Kur një person frymon ajër të ndotur, ai ajër mund të dëmtojë nervin e nuhatjes dhe mund të shkaktojë inflamacion nervor.
Inflamacioni nervor është i lidhur me çrregullime për të gjitha moshat, duke përfshirë sëmundjen Alzhemier dhe problem në të mësuarit e gjërave, memorie, perceptim dhe zgjidhjen e problemeve.
Sipas këtij studimi, kur gratë shtatzëna ekspozohen ndaj ndotësve të ajrit, fëmijët e tyre kanë shumë gjasa të kenë simptomat e ankthit dhe depresionit.
Të gjithë studiuesit qëndronin në të njëjtën linjë, duke theksuar se duhen marrë masa për ndryshimet klimatike, pasi nëse nuk merren, do të ketë efekte shumë negative në shëndetin mendor të fëmijëve./Gazeta Monitor/