Përmes një video – mesazhi ministri i shëndetësisë, Rifat Latifi, ka apeluar qytetarët të vaksinohen kundër coronavirusit.
Nga Klinika Infektive në Qendrën Klinikë Universitare të Kosovës ministri thotë se të gjithë qytetarët duhet të vaksinohen në mënyrë që të mos kena nevojë të vijnë në infektivë.
“Jam ardhë këtu që të ju porosisë që ju të mos vini këtu. E për të mos ardhë këtu secili prej jush duhet të vaksinohet. Ne të gjithë duhet të vaksinohemi në mënyrë që të mos kalojmë me komplikimet më të mëdhaja që ka COVID-19”, shprehet ai.
“Vetëm vaksinat që ne i marrim për çdo ditë do të na shpëtojnë që të mos jemi këtu në Kujdesin Intensivë ku mjekët infermierët dhe i gjithë stafi mbështetës është duke e bërë një punë të jashtëzakonshme”, pohon ministri.
Sipas ekspertëve të shëndetësisë vaksinimi është mënyra e vetme për të parandaluar vdekjen nga coronavirusi.
Në Kosovë vaksinimi kundër coronavirusi lejohet nga mosha 12 vjeçare. Për më tepër se një vit në nivel vendi janë administruar mbi 1,8 milion doza të vaksinave.
Përveç COVID-19 vaksinimi parandalon edhe shumë sëmundje tjera infektive.
Nga 25 prilli për shtatë ditë me radhë shënohet Java e Imunizimit në mbarë botën. /Gazeta Shneta/