Ministri i Shëndetësisë, Rifat Latifi, kësaj radhe është takuar me mjekë dhe profesionistë shëndetësor shqiptarë të cilët jetojnë dhe veprojnë në Norvegji.
Sipas njoftimit në uebfaqe të ministrisë temë diskutimi gjatë këtij takimi ka qenë trajtimi i problemeve të ndryshme në shëndetësin në Kosovë.
“Shëndetësia e Kosovës ka nevojë për ide dhe projekte të mëdha dhe për këtë kontributi i gjithsecilit prej jush është jo vetëm i mirëseardhur, por edhe i domosdoshëm. Nuk është e thënë që secili prej jush të kthehet në Kosovë për të zhvilluar veprimtarinë tuaj profesionale atje, pasi jo të gjithë kanë mundësi që të bëjnë një gjë të tillë në këtë fazë, por gjithnjë ekziston mundësia që edhe nga këtu të kontribuoni në përmirësimin e sistemit tonë shëndetësor”, ka thënë ministri gjatë takimit.
Në njoftimi gjithashtu thuhet se ministri ka shpalosur para të pranishmëve në detaje shtatë shtyllat kryesore të transformmimit të sistemit shëndetësor në nivel vendi “si dhe dhe projektet prioritare përmes të cilave do të bëhet i mundur ky transformim”.
Takimi i tyre është zhvilluar në ambientet e Ambasadës së Kosovës në Oslo.
Specialisti i Kirurgjisë menagjon Ministrinë e Shëndetësisë që nga mesi i muajit nëntorit të vitit të kaluar dhe për me rreth gjashtë muaj ai ka vizituar dy herë Amerikën, një herë Shqipërinë si dhe një herë Turqinë.
Gazeta Shneta tash e disa javë është në pritje të përgjigjeve nga Ministria e Shëndetësisë nëse është nënshkruar ndonjë marrëveshje gjatë këtyre vizitave mirëpo ende nuk kanë kthyer përgjigje. /Gazeta Shneta/
Udhëtimet e ministrit që shëndetësia nuk ua pa hajrin asgjë, Latifit i bëhet thirrje ta lërë pozitën