Në Spitalin e Përgjithshëm të Pejës janë të sëmurë me Covid-19 pesë mjekë, 16 infermierë si dhe tre punëtor të tjerë.
Zyrtarët e spitalit kanë njoftuar se në këtë institucion po trajtohen gjithsej 73 pacientë me Covid-19, prej të cilëve 46 janë me oksigjeno terapi ndërsa 15 të tjerë janë në gjendje më të rëndë.
“Në Spitalin e Përgjithshëm në Pejë 3 pacientë janë shëruar nga Covid-19 gjatë 24 orëve të fundit. Aktualisht po trajtohen 73 pacientë me Covid-19. Sa i përket gjendjes së pacientëve 46 pacientë janë në Oksigjeno terapi, 15 pacientë janë në gjendje më të rëndë, ndërsa pacientet e tjerë janë në gjendje më stabile”, thuhet në njoftim. /Gazeta Shneta/