Sot, më 25 Shtator 2025, shënohet Dita Botërore e Mushkërive, me qëllim rritjen e ndërgjegjësimit për sëmundjet që prekin mushkëritë dhe ndikimin e tyre në shëndetin e miliona njerëzve në botë.
Sëmundjet respiratore, si SPOK, astma, pneumonia, tuberkulozi dhe kanceri i mushkërive, janë ndër shkaqet kryesore të vdekshmërisë dhe sëmundshmërisë globale, transmeton Gazeta Shneta.
Ministria e Shëndetesisë ka njoftuar se vetem gjatë vitit 2024 janë regjistruar 548 raste të reja, ndërsa diagnostikimi dhe trajtimi i tuberkulozit ofrohet falas në institucionet publike shëndetësore.
Përveç tuberkulozit, sëmundjet e tjera të frymëmarrjes, përfshirë astmën dhe bronkitin kronik, vazhdojnë të jenë ndër shkaqet kryesore të sëmundshmërisë dhe vdekshmërisë në vend.
Ministria e Shëndetësisë ka apeluar qytetarët që të kujdesen për shëndetin e mushkërive, të jenë të ndërgjegjshëm për parandalimin dhe trajtimin e sëmundjeve respiratore dhe të ndërmarrin hapa për një jetë më të shëndetshme./Gazeta Shneta/