Nëna Kirsty Alexander ishte shumë e lumtur kur e kuptoi se ka mbetur shtatzënë me trinjakë. Gëzimi i saj u shtua edhe më tepër pasi ajo mbeti shtatzënë pasi fëmijën e parë e kishte lindur me IVF.
Nëna 33-vjeçare nuk ishte e përgatitur për tre fëmijë në barkun e saj, por megjithatë thotë se ishte shumë e lumtur në momentin që e mori vesh nga gjinekologu, shkruan metro.co.uk, transmeton Gazeta Shneta.
Gjatë shtatzënisë ajo pati disa komplikime dhe gjakderdhje vaginale dhe u frikësua nëse ka pësuar abort. Por mjekët e siguruan se çdo gjë është në rregull dhe në mitrën e saj po rrahin tre zemra të vogla. Por nuk shkoi larg e gëzimi i saj u përmbys.
Në javën e 18 një ekzaminim me ultrazë zbuloi se diçka nuk shkonte mirë me njërën nga tre bebet. Mjekët zbuluan se foshnja nuk ishte zhvilluar sa duhet çka kishte shkaktuar vdekjen e saj. Kjo nënkuptonte që Kirsty do të duhej ta vazhdonte shtatzëninë me dy foshnjat e gjalla dhe një të vdekur në barkun e saj.
“Kam qarë shumë. Javët e para ishin të tmerrshme. U ndjeva sikur nuk mund të largohesha, më kapi ankthi dhe u tmerrova nga ajo që i ndodhi njërës nga foshnjat”, ka thënë nëna Kirsty.
“Kam përjetuar aq shumë pikëllim saqë nuk mund të flisja me askënd. Ka pasur raste kur Gjoni duhej të fliste në emrin tim me mamitë në spital, pasi thjesht nuk mund t’i nxirrja fjalët nga lotët”, ka treguar ajo.
Nëna ka treguar tutje se rrjetet sociale e kishin ndihmuar t’i shfaqte ndjenjat e saj dhe t’ia lehtësonin dhimbjen sado pak. Ajo lindi binjakët në gjendje të mirë shëndetësore të cilat i quajti me emrat Delilah Ivy dhe Ëilfred George. /Gazeta Shneta/