Një nënë e cila ishte futur në sallën e lindjes në Gjinekologji të QKUK-së, nuk mundi t’i duronte dhimbjet e lindjes.
Britmat e saj dëgjohen jashtë sallës në korridorin e katit të tretë në Gjinekologji, shkruan Gazeta Shneta.
Ngjarja ka ndodhur të enjten kur punëtorët shëndetësorë ishin në grevë, sipas lexuesit i cili e ka dërguar videon në adresë të Gazeta Shneta.
Nënës, e cila përballej me dhimbje të tmerrshme, stafi mjekësor nuk po mund t’i ndihmonte për shkak të mungesës së gjilpërave.
Një infermiere del më vonë për t’i kërkuar bashkëshortit të saj të dal në barnatore për t’i blerë gjilpërat, ka bërë të ditur ky dëshmitar i ngjarjes i cili dëshiron të mbetet anonim.
QKUK-ja vazhdimisht përballet me mungesë të materialit shpenzues edhe në këso raste urgjente. /Gazeta Shneta/