Një nënë ka zbuluar se si vajza e saj gati dy herë ndërroi jetë pasi një alergji në polen shkaktoi sulme të rrezikshme të astmës. E vogla, Lottie, u gjet pa shenja jete dhe kishte filluar të ngulfatej nga vjellja e saj në shtratin e saj. Kjo ndodhi kur ajo ishte vetëm 18 muajshe.
Lottie, nuk mundi të futej menjëherë në operacion, për shkak se mjekët nuk po arrinin t’i vendosnin tubin e frymëmarrjes, për shkak se rrugët e frymëmarrjes ishin shumë të fryra.
Vetëm një vit më pas, Lottie u shtrua në spital plot nëntë herë, para se mjekët në fund e gjetën shkakun e sëmundjes së vogëlushes, e cila ishte e lidhur vetëm me disa kohë gjatë vitit.
Gjatë një nate, tregon e ëma, burri i saj u zgjua në 3 të mëngjesit dhe ‘instinktivisht’ shkoi për ta kontrolluar vogëlushen, por papritmas, ai bërtiti emrin e gruas së tij fuqishëm. Kjo pasi, e vogla ishte e tëra ngjyrë blu dhe ishte mbuluar nga të vjellat.
Mjekët mbërritën brenda disa minutave dhe i dhanë Lottiet oksigjen dhe një nebulizer – e cila është një pajisje që lejon një astmatik të marrë frymë si dhe të fusin ilaçet për të hapur rrugët e frymëmarrjes.
“Më thanë që të vazhdoja të flisja me të, sepse ajo po reagonte ndaj zërit tim”, tha e ëma. “Ishte absolutisht e tmerrshme. Ishte gjëja më e keqe që kam përjetuar ndonjëherë’’, shpjegon ajo për MailOnline, transmeton Gazeta Shneta.
Pas më shumë se 24 orë në spital, prindërit u dërguan në shtëpi mbrëmjen tjetër në mënyrë që të pushonin, por në vend se të çlodheshin, çifti u zgjua gjatë natës, tani me lajme edhe më të tmerrshme.
‘Në orën 3 të mëngjesit, na kishin lajmëruar se Lottie kishte nevojë për kirurgji emergjente për të pastruar një substancë ngjitëse nga mushkëritë e saj sepse këto të fundit tanimë kishin marrë fund’’, rrëfen më tej babai i Lottie.
Lottie tanimë kishte një pengesë tjetër kur ajo pësoi një reaksion alergjik ndaj morfinës së saj, gjë që çoi në qëndrimin e saj në spital për shtatë ditë shtesë.
Tani, e ëma e vajzës po flet për të rritur ndërgjegjësimin për gjendjen e vajzës së saj. “Kam parë se sa e rrezikshme astma mund të jetë,” tha ajo. “Nuk është vetëm një virus i lehtë, është një gjë shumë serioze”, përfundon ajo./Gazeta Shneta/