Çdo herë e më shumë studiuesit po përpiqen të gjejnë fakte të reja rreth lidhjes më sublime, asaj të nënës me foshnjën e saj. Nga një studim i kryer, rezulton se në përgjithësi të gjithë nënat e reja kanë pothuajse të njëjtin reagim dhe sjellje kur dëgjojnë që bebi i tyre nis të qajë.
Studimi, i publikuar tek CNN, arriti në përfundimin se nëna nga 11 vende të botës, reagonin menjëherë duke u çuar, e merrnin në krahë foshnjën dhe fillonin t’i flisnin me zë të ulët. Kjo lidhej dhe me sinjalet që truri i dërgonte në ato çaste.
Grindja e të vegjëlve ka qenë gjithnjë një nga çështjet më të diskutuara të prindërve të rinj, duke ditur se e qara jep gjithashtu sinjale rreth shëndetit të foshnjës.
“Kur një fëmijë qan, zakonisht nënat shqetësohen dhe reagimi i parë është empatik, por ka dhe nga ato të cilat neglizhojnë me këtë. Madje disa prej tyre arrijnë deri në dhunë fizike për ta bërë të pushojë. Kjo pastaj flet shumë për qëndrueshmërinë mendore të nënës.”
Pasi u vëzhguan për rreth 1 orë ndërveprimi mes nënave dhe bebeve të tyre, rezultoi se shumica e tyre nuk prisnin dot më shumë se 5 sekonda për ta kapur të voglin sapo e dëgjonin tek qante.