Serbia do të ofrojë një dozë të tretë “përforcuese” të COVID-19 për popullsinë e saj nga fillimi i kësaj jave, pasi vendi po lufton me një rritje të rasteve, kryesisht në mesin e qytetarëve të pavaksinuar.
Rastet e përditshme të viruseve janë në rritje në Serbi, ku epidemiologët i kanë fajësuar këto ngjarje pjesërisht në variantin shumë infektiv Delta, duke goditur kryesisht të pavaksinuarit, shkruan MedicalxPress përcjell Gazeta Shneta.
“Pas më shumë se gjashtë muajsh të vaksinimit masiv në Serbi, shumica dërrmuese e pacientëve të shtruar në spital janë qytetarë të pavaksinuar,” tha qeveria e Serbisë në një deklaratë.
Kjo duhet të “inkurajojë ata që ende nuk janë vaksinuar – ta bëjnë këtë”.
Doza e tretë përforcuese do të rekomandohet për grupet e cenueshme, përfshirë qytetarët me imunitet të dobët dhe të moshuarit, punonjësit e kujdesit shëndetësor dhe udhëtarët e shpeshtë.
Ndër të tjera, institucionet shëndetësore thanë se kushdo që ka marrë një dozë të dytë për më shumë se gjashtë muaj (më parë) do të ketë të drejtë të marrë dozën e tretë.
Falë marrëveshjeve të hershme me një sërë kompanish farmaceutike, Serbia fitoi miliona doza vaksinash nga Rusia, Kina dhe kompanitë perëndimore, megjithëse shumica prej tyre ishin vaksina Sinofarm të prodhuara nga Kina. /Gazeta Shneta/