Kur jeni shtatzënë, shumë prej gjërave rutinore mund të pësojnë ndryshime. Kjo ndërlidhet me faktin e të ushqyerit dhe aktivitetet fizike.
Përpos këtyre, nëse jeni dhuruese e rregullt e gjakut, fatkeqësisht gjatë periudhës së shtatzënisë nuk rekomandohet të praktikohet ky aktivitet shkruan Very Well Family, transmeton Gazeta Shneta.
Mësoni më shumë rreth komplikimeve të shtatzënisë duke lexuar më shumë KËTU
Kjo për faktin se mbajtja e lartë e numrit të qelizave të kuqe të gjakut është tejet e rëndëishsme për shëndetin tuaj dhe të foshnjes.
“Ato kanë nevojë për gjakun dhe hekurin e tyre për t’i ndihmuar ato të qëndrojnë të shëndetëshme gjatë shtatzënisë”, tha Dr. Felice Gersh, gjinekologe.
Hekuri është një mineral esencial që trupi përdor për prodhimin e hemoglobinës.
Hemoglobina bart oksigjenin në të gjithë pjesët e trupit, gjë që e ndihmon atë të rritet dhe të zhvillohet.
Një person i cili nuk ka mjaftueshëm hekur për të prodhuar sasi të konsiderueshmë të hemoglobinës, do të përballet me aneminë.
Për këtë arsyje, gratë shtatzëna janë ndër grupet e para që përballen me rrezikun e anemisë.
“Hekuri është i nevojshëm për zhvillimin e fetusit, për të mbështetur rritjen e placentës dhe për të rritur numrin e qelizave të kuqe të gjakut të gruas shtatzënë”, tregon Dr. Gersh.
Kur mund të rifilloj dhurimin e gjakun?
Ju mund të dhuroni gjak pas lindjes, mirëpo jo nëse jeni nënë gjidhënëse. Nënat gjidhënëse duhet të presin tre muaj apo më shumë, derisa bebi i tyre të startojë më ushqime të ngurta.
Mes tjerash, Dr. Gersh rekomandon që të konsultoheni me mjekun tuaj nëse nivelet e hekurit janë kthyer në gjendjen normale para se të dhuroni gjak./GazetaShneta/