Ka nis punimet Kongresi i Parë Klinik i organizuar nga Kolegji i Kirurgëve të Kosovës dhe Oda e Mjekëve të Kosovës.
Kirurgu i njohur shqiptar në SHBA, Prof. Rifat Latifi, kryetar i Kolegjit të Kirurgëve, e ka quajtur kongres historik i cili ka mbledhur 44 kirurg nga Kosova, SHBA, Argjentina, Shqipëria, etj. ku do të diskutojnë metodat më të reja kirurgjike. Kongresi po mbahet në Prishtinë me prani fizike por edhe virtuale për shkak të masave të pandemisë, shkruan Gazeta Shneta.
“Objektivi i këtij kongresi është përmirësimi dhe edukimi i kirurgëve për të ofruar cilësi të shkëlqyer për pacientët duke vendosur edhe standarde më të larta”.
“Misioni i këtij kongresi është të sjellë të gjithë kirurgët nga të gjitha specialitetet kirurgjike në mënyrë që të mësojnë nga përparimet e fundit. Më shumë se 800 kirurgë janë regjistruar për të marr pjesë, nga të cilët 400 janë anëtarët më të rinj të Kolegjit të Kirurgëve të Kosovës”, ka deklaruar Latifi.
“Ne mezi presim kongresin e ardhshëm dhe shpresojmë se do të jetë më i mirë dhe me pjesëmarrje fizike. E ardhmja e Kolegjit të Kirurgëve të Kosovës do të jetë e mirë dhe e fortë. 100 vjet nga tani historianët e kolegjit do të mbajnë mend këtë ditë të jashtëzakonshme dhe do të përkujtojnë se kolegji është krijuar nga domosdoshmëria për të ngritur cilësinë e kirurgëve”, ka deklaruar Latifi.
Kongresin e ka përshëndetur dhe përkrahur edhe kryetari i OMK-së Dr. Pleurat Sejdiu.
“Në vitin 2000 jemi takuar për herë të parë me Dr. Rifatin. Ai më foli për Telemjekësinë, që ne s’kishim dëgjuar kurrë. Para tre viteve erdhi me idenë e Kolegjit të Kirurgëve dhe ja ku u bë. Ai një hap para, e ne duke qëndruar një hap mbrapa tij”.
“I bëj thirrje kryetarëve të shoqatave të profesionistëve kirurgjik që të punojmë të gjithë në një ritëm. Kolegji do ta ketë të ardhmen e ndritur dhe Oda do të jetë mbrapa për të gjitha nevojat, sikurse për të gjitha organizatat tjera të profesionistëve”, ka deklaruar Sejdiu. /Gazeta Shneta/
