Një studim i ri ka nisur testimin e rapamicinës, një ilaç që besohet se ka potencialin për të rritur jetëgjatësinë dhe për të ngadalësuar procesin e plakjes.
Robert Berger, një 69-vjeçar nga Kalifornia, është një nga pjesëmarrësit që ka filluar të përdorë këtë pilulë që nga marsi. Ai ka shprehur se ndihet me më shumë energji pas marrjes së rapamicinës, shkruan The New York Times, transmeton Gazeta Shneta.
Ekspertët po hetojnë efektet e këtij ilaçi, i cili përdoret zakonisht për pacientët pas transplantit të organeve. Dëshmitë preliminare nga ata që e kanë përdorur sugjerojnë përmirësime në shëndetin e përgjithshëm, duke përfshirë uljen e dhimbjeve trupore dhe përmirësimin e shëndetit të mishrave të dhëmbëve.
Një studim i kryer në Shtetet e Bashkuara, me më shumë se 100 pjesëmarrës, tregon se përdoruesit e rapamicinës kanë raportuar përmirësime të ndjeshme në shëndetin e tyre. Sidoqoftë, hulumtimet deri më tani janë më premtuese te kafshët, ku rapamicina ka treguar se rrit jetëgjatësinë e minjve.
Disa ekspertë shprehin shqetësim për efektet anësore të mundshme të ilaçit, veçanërisht në lidhje me dobësimin e sistemit imunitar./Gazeta Shneta/