Studiuesit nga Shkolla e Shëndetit Publik Johns Hopkins Bloomberg kanë zbuluar një metodë të re për të zbuluar shenjat e hershme të sëmundjes së Alzheimerit përmes monitorimit të modeleve të aktivitetit të përditshëm të një personi.
Pajisjet e veshura me kyç mund të jenë një mjet efektiv për të identifikuar ndryshime në aktivitetin e përditshëm, të cilat mund të jenë parashikuese për rënien e aftësive kognitive, shkruan Medical Neës, transmeton Gazeta Shneta.
Ky zbulim vjen në një kohë kur rreth 22% e të rriturve të moshës 50 vjeç e lartë në mbarë botën kanë një fazë të sëmundjes Alzheimer. Me këtë numër që pritet të rritet, është e rëndësishme të identifikohen mënyra të reja për të njohur shenjat e hershme paralajmëruese të kësaj sëmundjeje.
Edhe pse aktualisht nuk ka kurë për sëmundjen e Alzheimerit, medikamentet e disponueshme për fazat më të hershme të sëmundjes mund të ndihmojnë në ngadalësimin e përparimit të saj.
Studimet e fundit si kjo ofrojnë shpresë për gjetjen e mënyrave më efektive për të diagnostikuar dhe trajtuar sëmundjen në fazat e saj të hershme./Gazeta Shneta/