Gjykata Themelore e Gjilanit ka caktuar masë paraburgimi prej një muaji për G.B, i cili mbyti dje të birin e tij 14-vjeçar në fshatin Karaçevë e Poshtme, komunë e Kamenicës.
Zëdhënësi i Gjykatës Themelore në Gjilan, Sabit Shkodra ka konfirmuar për Express për caktimin e masës së paraburgimit nga Gjykata.
“Po është caktu masa e paraburgimit prej 1 muaji”, tha Shkodra për Express.
I ndjeri L.B pasi i kishte marrë të holla babait G.B afër 1.000 euro, ishte rrahur nga ky i fundit dhe ishte lënë i mbyllur në dhomë, pa iu nënshtruar ndonjë trajtimi mjekësor.
Më pas, L.B ndërroi jetë pas 4 orëve, në orët e para të ditës së enjte.