Aktualisht po studiohen disa trajtime antivirale të formës orale për COVID-19.
Kompania Merck, ndër të parat – do të kërkojë autorizimin e përdorimit urgjent për pilulën e tyre të përditshme pasi një provë klinike tregoi se bari i ashtuquajtur molnupiravir uli rrezikun e shtrimit në spital ose vdekjes nga COVID-19 me 50 përqind, shkruan Healthline përcjell Gazeta Shneta.
Përkrahësit e këtij rezultati thonë se pilulat do t’u siguronte njerëzve një mënyrë të lehtë dhe të arritshme për të trajtuar simptomat e COVID-19.
Të tjerë, megjithatë, thonë se zhvillimi i trajtimeve antivirale për sëmundje të tjera të tilla si gripi janë provuar të jenë më të vështira nga sa ishte parashikuar.
Zyrtarët e kompanisë Merck dhe Ridgeback Biotherapeutics, planifikojnë të kërkojnë autorizim për përdorim urgjent (EUA) nga Administrata e Ushqimit dhe Barnave (FDA) për barin e tyre molnupiravir pas asaj që ata e përshkruan si një provë klinike të suksesshme të fazës 3.
Zyrtarët e kompanisë thanë sot se molnupiravir uli rrezikun e shtrimit në spital ose vdekjes nga COVID-19 me 50 përqind për pjesëmarrësit e provës me simptoma të buta dhe të moderuara që morën barin në krahasim me pjesëmarrësit të cilëve iu dha një placebo.
“Me këto rezultate bindëse, ne jemi optimistë se molnupiravir mund të bëhet një bar i rëndësishëm si pjesë e përpjekjes globale për të luftuar pandeminë,” tha Robert M. Davis, CEO dhe udhëheqës i kompanisë Merck, në një deklaratë. /Gazeta Shneta/