Kanceri është një vrasës i madh që përbën gati një në gjashtë vdekje në mbarë botën. Mënyra më efektive për ta trajtuar atë është zbulimi i hershëm i tij dhe testet e reja, novatore të gjakut ofrojnë shpresë në këtë drejtim.
Studiuesit në Suedi kanë zhvilluar një test të thjeshtë, jo-invaziv që ata thonë se mund të zbulojë me saktësi 14 lloje të ndryshme të kancerit të fazës I, shkruan burimi Euronews përcjell Gazeta Shneta.
Ata përdorën teknologjinë e fundit të mësimit makinerik për të gjurmuar nivelet e glikozaminoglikaneve – një lloj sheqeri që është pjesë e rëndësishme e metabolizmit tonë – si biomarkues për të zbuluar kancerin në mostrat e gjakut dhe urinës të 1260 vullnetarëve.
Në studimin e tyre, të botuar në revistën shkencore PNAS, autorët thanë se metoda e tyre mund të zbulonte kancerin e fazës I me një ndjeshmëri deri në 62 për qind.
Specifikimi i testit – përqindja e negativëve të vërtetë që testi parashikoi saktë – ishte i lartë, në 95 për qind, dhe gjithashtu parashikonte se ku ndodheshin tumoret me saktësi 89 për qind. /Gazeta Shneta/