Të gjithë përpiqemi të gjejmë përse fëmija jonë është duke qarë, dhe mendojmë nëse ka nevojë për ushqim, të ndërrohet, ka nevojë për të qëndruar pranë nënës e kështu me radhë. Për gjithë familjen identifikimi i arsyes është shumë e vështirë, por tashmë edhe mund të mos jetë më kaq i vështirë!
Kjo tashmë nuk do të jetë më kaq e vështirë, dhe e gjitha falë një aplikacioni që është vendosur në dispozicion të nënave. Ai do të jetë në gjendje të “lexojë” të qarën e bebes. Ideja e “Infant cries translator” u zhvillua ne spitalin kombëtar të Universitetit të Taiwan-it “Yunlin” nga Chang Chuan-yu dhe Chen Si-da, të cilët shprehen se janë në gjendje të kuptojnë tinguj të ndryshëm në të qarën e bebes pasi ajo është regjistruar. Më pas këta tinguj do të krahasohen me një bazë të dhënash që ata kanë.
Studiuesit kanë mundur të grumbullojnë rreth 200000 tinguj të rreth 100 bebeve të porsalindura dhe më pas i ngarkuan në internet.
Si funksionon?
Ky aplikacion do të dallojë katër gjendje të ndryshme të tingujve së të qarës tek foshnja, duke parë si mundësi për këtë irritim: urinë, pelenën e papastër, nevojën për gjumë si edhe dhimbjen. Mendohet se tek bebet 1-3 muajsh ky aplikacion do të funksionojë me 85% saktësi dhe tek bebet 4 muajshe me 77% saktesi.
Aplikacioni i shkarkuar në telefon identifikon të qarën e fëmijës brenda 15 sekondave dhe pasi është shkarkuar duhet të vendoset ditëlindja e fëmijës bashkë me kombësinë. Në momentin që fëmija fillon të qajë ju duhet ta regjistroni për 10 sekonda dhe më pas zëri transferohet. Tashmë prindërit kanë filluar ta përdorin!/pernenat/