Studimi i ri i botuar në Journal of the American Medical Association Network Open ka hedhur poshtë pretendimet se egziston lidhshmëri mes grupit të gjakut dhe ndjeshmërisë së infektimit me Covid-19.
Studimet e mëparshme nga Kina, Spanja, Italia, Danimarka kanë treguar se individët me grupin e gjakut A kishin më shumë gjasa të infektohen me Covid-19 shkruan VeryWellHealth, transmeton Gazeta Shneta.
Mësoni më shumë rreth komplikimeve gjatë shtatzënisë KËTU
Mirëpo, studimi i ri i botuar në Journal of the American Medical Association Network Open ka hedhur poshtë pretendimet se egziston lidhshmëri mes grupit të gjakut dhe ndjeshmërisë së infektimit me Covid-19.
Studiuesit në Intermountain Healthcare vëzhguan mbi 107 mijë pjesëmarrës që nga 3 marsi deri më 2 nëntor të vitit 2020.
Nga 107 mijë rezultate të testimit për Covid-19, 11 mijë prej tyre rezultuan pozitive, prej të cilëve 2 mijë persona u hospitalizuan, pasi gjendja e tyre shëndetësore u përkeqësua.
“Ne konfirmuam një rrezik më të lartë të pacientëve të gjinisë mashkullore, kryesisht të moshuar”, tha Jefrrey Anderson, autor i studimit.
Megjithatë, së bashku me të gjitha pikat e trajtuara, studiuesit nuk gjetën asnjë korrelacion mes grupit të gjakut dhe ndjeshmërisë së infektimit me Covid-19.
Anderson tregoi disa nga pikat që e bënte studimit e tyre të dallonte nga ato hulumtimet e mëparshme.
“Sa më shumë të përpiqesh të kërkosh diçka në një grup më të vogël, aq më shumë ka të ngjarë ta gjesh atë”.
Sipas tij, studimet që kishin numrin e vogël të pjesëmarrësve ishin të predispozuar që të konkludonin rreth hipotezave të tyre, duke mos-kontrolluar moshën, prejardhjen apo mjedisin.
Në anën tjetër, Anderson tregoi për paragjykimet e botimit të studimit.Kjo pasi gjasat që shumë revista të refuzonin botimin e një studimi i cili nuk gjeti asnjë korrelacion mes grupit të gjakut A,B,O dhe Covid-19, veçanërisht nëse nuk egzistonte ndonjë hulumtim i mëparshëm që mbështet gjetjet, ishte i lartë.
“Rezultatet tona duhet të zbatohen në një popullsi me racë të bardhë, kryesisht në Evropën Veriore.Mendoj se do të ishte mrekulli që ky studim të përsëritej në një rajon ku mbizotëron popullsia afrikano-amerikane për të parë nëse rezultatet ndryshojnë apo janë të njejta”, tha Anderson.
Së fundmi, Anderson theksoi se pavarësisht grupit të gjakut, është e rëndësishme që të respektohen masat mbrojtëse./GazetaShneta/