Tashmë kanë kaluar më shumë se një muaj që kur 21 vjeçarja, Marjana Cmeta u vendos në burg për shkak të vrasjes së vjehrrës.
E reja, e cila ka një foshnje akuzohet për helmimin e vjehrrës, derisa detajet e këtij krimi janë zbuluar në pranverën e këtij viti, ndonëse ngjarja ka ndodhur një vit më parë në Tiranë.
Provat ishin të mëdha për shkak se 21 vjeçarja ishte rrëfyer tek hoxha se e kishte helmuar vjehrrën Lirije Lami, 48 vjeçare.
Por ku ndodhet foshnja 7 muajshe, që tashmë nuk e ka as praninë e babait, i cili vuan akoma këtë vrasje.
“BalkanWeb” shkruan se pasi Marjana Cmeta nuk pranoi ta mbante foshnjën e saj prapa hekurave, një mundësi e lejuar nga ligji, ajo ka marrë leje një leje të posaçme nga autoritetet e institucionit për të takuar çdo ditë të bijën dhe për ta ushqyer me gji.
Ndërmjet orës 8:00 deri në 15:00, prindërit i sjellin për takim dhe për ta ushqyer me gji foshnjën në burgun e grave “Ali Demi” në kryeqytet.
Foshnja është marrë në përkujdesjen e prindërve të Marjanës, derisa Olti Lami ende nuk i ka dhënë atësinë foshnjës, derisa shprehet i pavendosur nëse këtë do ta bëjë ndonjë ditë.
E reja nuk është lënë në një qeli të veçantë, për të shmangur ndonjë tentativë të mundshme vetëvrasjeje.
Derisa ky krim u zbulua për shkak të këmbënguljes së Oltit, tashmë ish-bashkëshort i Marjanës, i cili zbuloi videon që kishte regjistruar tek hoxha, ku tek ky i fundit nusja shtatzënë kishte rrëfyer në detaje se si e helmoi vjehrrën e saj me fostoksinë.
Edhe përse nuk jetonte me të, Marjana ishte e bindur që vjehrra i kishte bërë magji dhe vendos ta vrasë. Bëhet fjalë për një rrëfim 72 minutësh, video e cila i shërbeu prokurorisë për të ngritur akuzën mbi nusen.