OBSH rreth shpalljes së alarmit më të lartë për linë e majmunëve, flet kryesuesi i fushës shëndetësore

2022-07-25 në ora 10:55

Organizata Botërore e Shëndetësisë (OBSH), deklaroi të shtunën shpërthimin e lisë së majmunëve, i cili ka prekur afro 17,000 njerëz në 74 vende, si një emergjencë globale shëndetësore – duke ngritur alarmin më të lartë.

“Kam vendosur që shpërthimi global i lisë së majmunit të përfaqëson një emergjencë të shëndetit publik me shqetësim ndërkombëtar,” tha shefi i OBSH-së, Tedros Adhanom Ghebreyesus, në një konferencë për shtyp, shkruan MedicalxPress transmeton Gazeta Shneta.

Ai tha se një komitet ekspertësh që u mblodhën të enjten nuk ishte në gjendje të arrinte një konsensus, kështu që i takoi atij të vendoste nëse do të shkaktonte alarmin më të lartë të mundshëm.

“Vlerësimi i OBSH-së është se rreziku i lisë së majmunëve është i moderuar globalisht dhe në të gjitha rajonet, me përjashtim të rajonit evropian ku ne e vlerësojmë rrezikun si të lartë”, shtoi ai.

Lija e majmunëve ka prekur më shumë se 16,800 njerëz në 74 vende, sipas një raporti nga Qendrat e SHBA për Kontrollin dhe Parandalimin e Sëmundjeve (CDC), të publikuar më 22 korrik.

Uashingtoni e mirëpriti deklaratën e OBSH-së si “një thirrje për veprim për komunitetin botëror për të ndaluar përhapjen e këtij virusi”.

“Një përgjigje e koordinuar, ndërkombëtare është thelbësore për të ndaluar përhapjen e lisë së majmunëve, për të mbrojtur komunitetet me rrezik më të madh të kontraktimit të sëmundjes dhe për të luftuar shpërthimin aktual,” tha Raj Panjabi, nga Shtëpia e Bardhë.

Një rritje e infeksioneve nga lija e majmunëve është raportuar që nga fillimi i majit jashtë vendeve të Afrikës Perëndimore dhe Qendrore, ku sëmundja ka qenë prej kohësh endemike. /Gazeta Shneta/