Pilulat kontraceptive orale mund të ndikojnë në çrregullim të humorit në mesin e grave

2022-07-25 në ora 11:14

Gjetja e llojit të duhur të kontracepsionit është e rëndësishme. Kontracepsioni oral i përfaqësuar në formë pilule – është metoda më e popullarizuar dhe e përdorur gjerësisht.

Dr. Eveline Mu dhe profesor Jayashri Kulkarni nga Qendra Kërkimore e Psikiatrisë ‘Monash Alfred’ në Melburn, shkruajnë se si pilulat kontraceptive mund të ndikojnë në disponimin e disa grave, përcjell Gazeta Shneta.

“Gjetja e kontracepsionit që ju përshtatet varet nga një sërë gjërash. Mosha juaj, çfarë keni provuar më parë, shëndeti juaj i përgjithshëm dhe gjithashtu shëndeti juaj mendor”, thotë profesor Kulkarni.

“Një nga arsyet më të zakonshme për ndalimin e pilulës nga gratë është ndryshimet në humor, siç është ndjenja e depresionit”.

Provat sugjerojnë se këto ndryshime të humorit mund të lidhen me hormonet e përdorura në pilulat kontraceptive, ku disa hormone ndikojnë në humor më shumë.

Pilulat përfshijnë përbërës të quajtur progestogjenë, ose një përzierje progestogjenësh dhe estrogjenesh.

“Nëse keni depresion ose e keni pasur në të kaluarën, disa pilula mund t’ju përshtaten më mirë se të tjerat.

“Lajmi i mirë është se ka shumë zgjedhje. Flisni me mjekun tuaj për të gjetur një metodë kontracepsioni që ju përshtatet,” thotë profesor Kulkarni. /Gazeta Shneta/