Oda e Mjekëve të Kosovës ka lëshuar një qarkore informative për mjekët që posedojnë dy e më shumë specializime.
OMK ka njoftuar mjekët se në procesin e rilicencimit, ata që posedojnë dy a po më shumë thirrje specialistike do të pajisen me licenca të veçanta për secilin specializim.
“Rregullorja për Regjistrimin, Licencimin dhe Rilicencimin e mjekëve të OMK-së, e datës 17 janar 2019, në Nenin 25, Paragrafi 1 dhe 2, thekson se i licencuari i cili ka specializuar në më shumë se një lëmi specialistike apo subspecializime, për secilin specializim i lëshohet licencë e vecantë e punës dhe licencat si të tilla janë dokumente të vecanta për të cilat poseduesi ka përgjegjësi për secilën nga to. Kjo nënkupton se me rastin e inicimit të procedurës për Rilicencim pranë Odës, specializimet do të trajtohen si të ndara, rrjedhimisht për secilin specializim ju duhet të grumbulloni 100 (njëqind) pikë kredituese dhe për secilin specializim do ju lëshohet licencë e vecantë e punës”, thuhet në njoftimin e OMK-së. /Gazeta Shneta/