Oftalmologu i Spitalit Italian të Syrit Dr. Agon Rrusta ka shpjeguar shkaktarët dhe trajtimin e perdes së syrit ose e njohur ndryshe si katarakta.
Ai thotë se kjo patologji është një çrregullim ku thjerrëza apo lensi natyral i syrit mjegullohet dhe në këtë mënyrë ndërprenë hyrjen e dritës në sy nga jashtë.
“Shkaktarët kryesorë të pëlhurës së syrit është mosha mbi 55-60 vjeçare, mirëpo katarakta mund të ketë edhe shkaktarët të tjerë si nga lindja, nga lëndimet apo traumave të syrit dhe faktorët tjerë”, thotë mjeku.
Ai tregon se simptomat janë zakonisht mjegullimi i syrit në shikimin afër dhe larg.
“Trajtimi kryesor i kataraktës është kirurgjik ku në këtë intervenim thjerrëza natyrale e mjegulluar hiqet dhe vendoset një thjerrëz artificiale e cila mundëson shikimin normal dhe mbetet aty gjithë jetës”, ka deklaruar oftalmologu Rrusta.
Për më shumë mjekun Agon Rrusta mund ta gjeni në Spitalin Italian të Syrit ku mund të caktoni termin përmes numrit të telefonit 048 808 810 ose në Facebook duke klikuar KËTU. /Gazeta Shneta/