Rreth 109 raste të hepatitit të rëndë dhë të pashpjegueshme te fëmijët është shfaqur në 25 shtete, sipas Qendrës për Kontrollin dhe Parandalimin e Sëmundjeve (CDC).
Në mesin e këtyre rasteve, 14 për qind kanë nevojë për transplante, ndërkohë që pesë fëmijë kanë ndërruar jetë shkruan CNN, transmeton Gazeta Shneta.
Dr. Jay Butler, zëvendësdrejtor i sëmundjeve infektive të CDC-së, theksoi se ky rast është në zhvillim dhe jo të gjitha rastet me hepatit mund të shkaktohen përfundimisht nga e njejta gjë.
“Është e rëndësishme të theksohet se kjo është një situatë në zhvillim dhe ne po krijojmë një rrjet të gjerë për të ndihmuar në identifikimin e kësaj gjendje” tha Butler.
Hepatiti mund të shkaktohet nga infeksionet, sëmundjet autoimune, medikamentet dhe toksinat.
Mirëpo, ende nuk është e qartë shkaktari te fëmijët e vegjël. Butler tha se disa nga shkaqet e zakonshme të hepatitit viral janë konsideruar, por nuk janë gjetur në asnjë nga rastet.
Adenovirusi është zbuluar në më shumë se 50% të rasteve, megjithëse roli i tij nuk është ende i qartë. /Gazeta Shneta/