Një ndërhyrje e rrallë kirurgjikale është realizuar me sukses në Repartin e Urologjisë të Spitalit të Përgjithshëm “Dr. Sami Haxhibeqiri” në Mitrovicë, ku mjekët kanë arritur t’i largojnë një pacienti tre gurë me përmasa të mëdha nga sistemi urinar.
Sipas njoftimit të spitalit, pacienti B.S., 54 vjeç, iu nënshtrua një operacioni kompleks gjatë të cilit u largua një gur nga fshikëza urinare me madhësi rreth 7.5 centimetra, një gur nga ureteri me madhësi rreth 4 centimetra, si dhe një gur nga veshka me përmasa prej 1.5 deri në 2 centimetra, transmeton Gazeta Shneta.
Ndërhyrja është kryer nga ekipi i urologëve i përbërë nga Dr. Skender Hoxha, Dr. Armir Sejdiu dhe Dr. Fatmir Idrizi, me mbështetjen e ekipit të anesteziologjisë të udhëhequr nga Dr. Veton Pllana.
Në realizimin e operacionit kanë kontribuar edhe instrumentaret Shpresa Ademi dhe Diellza Halili-Ferati, si dhe teknikët e anestezionit Musa Kurti dhe Besarta Mehmeti.
Pas trajtimit dhe kujdesit të marrë në repart, pacienti është liruar nga spitali në gjendje të mirë shëndetësore./Gazeta Shneta/