Sipas dy studimeve të reja, operacioni i kataraktës në të dy sytë gjatë të njëjtës ditë mund të jetë i sigurt, efektiv dhe praktik, duke ofruar rezultate të ngjashme me ato kur sytë trajtohen në procedura të ndara disa javë ose muaj më vonë.
Hulumtimet u prezantuan gjatë takimit të Shoqatës Evropiane për Kataraktë dhe Kirurgji Refraktive në Kopenhagë, shkruan HealthDay transmeton Gazeta Shneta.
Studimet treguan se pacientët që morën linsa multifokale ose me fokus të vetëm në të dy sytë njëkohësisht arritën të njëjtin ose më të mirë nivel shikimi (20/20 ose më mirë) krahasuar me ata që operuan sytë në ditë të ndryshme.
Pjesëmarrësit ishin në gjendje të funksiononin në shtëpi menjëherë pas daljes nga spitali, ndërsa shumica nuk kishin nevojë për kujdes intensiv brenda 24 orëve të para.
Ekspertët theksojnë se kjo qasje mund të ulë vizitat në spital, të përshpejtojë rikuperimin vizual dhe të reduktojë kostot, pa komprometuar sigurinë ose rezultatet.
Megjithatë, disa pacientë mund të kenë ende nevojë për ndihmë të përkohshme, si për përdorimin e pikave për sytë. Studimet ofrojnë një alternativë efikase për trajtimin e kataraktës dhe mund të përmirësojnë menaxhimin e pacientëve në sistemet shëndetësore./Gazeta Shneta/