Studiuesit dhe publiku i gjerë kanë mësuar shumë për rreth Covid-19 që kur filloi pandemia e virusit që shkakton këtë sëmundje. Një nga keqkuptimet më të mëdha të hershme që është etiketuar në këtë mes është se të rinjtë nuk mund të sëmuren rëndë nga virusi.
Në fakt, edhe pse Covid ka më shumë të ngjarë të shkaktojë komplikime të rënda tek individët e moshuar, realisht tanimë e dihet se kjo sëmundje mund të mundojë e të atakojë njerëz të çdo moshe.
Dhe tani Dr. Anthony Fauci, drejtor i Institutit Kombëtar të Alergjisë dhe Sëmundjeve Infektive ka shprehur shqetësimet e tij në lidhje me të rinjtë që preken me koronavirus jo aq të rëndë sa të shtrohen në spital:
Këta pacientë mund të vuajnë nga një kohë e gjatë me simptomat e Covid që mund të zgjasin me muaj tha ai, raportohet nga CNN përcjell Gazeta Shneta.
Për të mësuar më shumë rreth komplikimeve të shtatëzanisë KLIKO KËTU.
Mjekët janë ende duke zbuluar simptomat dhe komplikimet afatgjate të një infeksioni me koronavirus.
Pacientët me Covid të zgjatur kanë raportuar lodhje, dhimbje muskulore, efekte neurologjike dhe simptoma të tjera të panumërta muaj pas kontraktimit të virusit.
Sipas Dr. Fauci, situata mund të përkeqësohet edhe më shumë. Siç tha ai në konferencë, shumë nga këta pacientë “kanë një proporcion të lartë të anomalive kardiovaskulare”, gjë që sugjeron potencialin për përkeqësimin e problemeve të zemrës.
“Këta janë njerëz që gjoja u rikuperuan nga COVID-19”, vuri në dukje Dr. Fauci. Dhe ata janë shpesh të rinjtë që mund të kenë besuar se nuk ishin në rrezik të konsiderueshëm për një infeksion të koronavirusit, ose të paktën jo për këto ndërlikime të mundshme që ndryshojnë jetën. /Gazeta Shneta/