Këngëtarja shqiptare Linda Halimi 5 ditë më parë u bë nënë për herë të parë e një vajze të cilën e pagëzoi me emrin e veçantë, Kaimana.
Ajo dhe bashkëshorti i saj Big D e mbajtën të fshehtë shtatzëninë për 9 muaj dhe vetëm ditën që vajza erdhi në jetë e bënë publike për fansat.
Që pas lindjes së Kaimana, Linda ka qenë shumë aktive në rrjetet sociale ku ka publikuar vazhdimisht foto dhe gjithashtu ka sqaruar dhe fansat se përse e mbajti të fshehtë pritjen e ëmbël.
Mirëpo, së fundmi ajo ka habitur të gjithë ndjekësit teksa ka publikuar një video ku tregon trupin 5 ditë pas lindjes. Të gjithë janë shokuar teksa kanë parë që trupi i këngëtares është rikthyer menjëherë në normalitet.
“Situata aktuale…… pesë ditë pas! Isha 55 kg kur bëra testin, shkova 67 kg, tani jam 60 kg!”, ka shkruar Linda pranë videos.
https://www.instagram.com/p/BvGukp0Fla1/?utm_source=ig_embed