Paracetamoli, i njohur gjithashtu si acetaminofen, është një bari i përdorur zakonisht që mund të ndihmojë në trajtimin e dhimbjes dhe uljen e temperaturës së lartë.
Doza e zakonshme për të rriturit është një ose dy tableta 500 mg deri në katër herë brenda 24 orëve, shkruan The Express.co.uk transmeton Gazeta Shneta.
Në anën tjetër, mbidozimi me paracetamolit mund të shkaktojë efekte anësore serioze.
Sipas, Shërbimit Kombëtar Shëndetësor në Angli (NHS): “Marrja e një ose dy tabletave shtesë nuk ka gjasa të jetë e dëmshme, për sa kohë që nuk merrni më shumë se tetë tableta brenda 24 orëve.”
Burimi i informacionit, Drugs.com raporton se duhet “të merrni ndihmë mjekësore urgjente” nëse keni ndonjë shenjë të një reaksioni alergjik ndaj paracetamolit.
Këto përfshijnë urtikarie, vështirësi në frymëmarrje dhe ënjtje të fytyrës, buzëve, gjuhës ose fytit tuaj.
Gjithashtu, ju duhet “të ndaloni përdorimin e këtij bari dhe të telefononi menjëherë mjekun tuaj nëse keni një efekt anësor serioz”.
Këto mund të përfshijnë një temperaturë të ulët me të përziera, dhimbje stomaku dhe humbje të oreksit.
Bisedoni me farmacistin tuaj për të gjitha medikamentet që i merrni me recetë dhe pa recetë, vitaminat, mineralet, produktet bimore dhe barnat e përshkruara nga mjekë të tjerë, për të evituar rastet e mbidozimit, ndërveprimit dhe efekteve anësore të barit Paracetamol. /Gazeta Shneta/