Ekspertët kanë paralajmëruar se njerëzit që vuajnë nga astma dhe sëmundjet e tjera të mushkërive nuk duhet të mbajnë maskën për fytyrë pasi mund të vështirësojnë frymëmarrjen.
Këshillat janë në kundërshtim me udhëzimet e qeverisë që udhëzon njerëzit të vendosin maska për fytyrën, ndërsa gjithashtu mbajnë largësi prej së paku dy metrash larg personave tjerë shkruan Express.co.uk, transmeton GazetaShneta.
Në udhëzimin e saj zyrtar, Zyra e Kabinetit në Britani tani thotë: “Nëse mundeni, vendosni një maskë në një hapësirë të mbyllur, ku distanca sociale nuk është e mundur.Kjo është më e rëndësishme për periudha të shkurtra brenda në zona të mbushura me njerëz, për shembull, në transportin publik ose në disa dyqane.”
Gjithashtu, ata paralajmëruan se fëmijët nën moshën dy vjeçare nuk mund të mbajnë maska./GazetaShneta/