Sot do të mbajë mot jostabil, me intervale me diell dhe vranësira të shpeshta lokale.
Sipas parashikimeve meteorologjike, në shumë rajone nuk priten reshje, megjithatë në disa zona të vendit gjatë orëve të pasdites mund të ketë reshje lokale shiu dhe rrebeshe të shoqëruara me vetëtima dhe bubullimë, përcjell Gazeta Shneta.
Mundësitë më të mëdha për zhvillime të tilla atmosferike pritet të jenë në juglindje të Kosovës.
Temperaturat minimale do të lëvizin rreth 12 gradë Celsius, ndërsa maksimalet pritet të arrijnë deri në 24 gradë Celsius. /Gazeta Shneta/