Pas plagosjes, Oliver Ivanoviq vdes në spitalin e Mitrovicës së Veriut

2018-01-16 në ora 08:40

Lideri i iniciativës qytetare “Liria, Demokracia, Drejtësia”, Oliver Ivanoviq është plagosur mëngjesin e sotëm me armë zjarri para zyrës së tij.

Ivanoviq ka ndërruar jetë në spitalin e Mitrovicës së Veriut pas disa minutash, ka raportuar Gazet Metro sipas burimeve të saj.

Ivanoviq raportohet se është plagosur me 4 plumba. Rasti është konfirmuar nga Policia e Veriut ku është bërë e ditur se ngjarja ka ndodhur në ora 8:20 të mëngjesit.

Ivanoviq ka qenë i dyshuar dhe duke u gjykuar për disa krime në veri të Mitrovicës.