Federata e Sindikatave të Shëndetësisë ka paralajmëruar protestë të punëtorëve shëndetësorë pas zgjedhjeve lokale të cilat do të mbahen më 17 tetor.
Kjo protestë do të mbahet pasi siç ka thënë FSSHK në njoftim, kërkesat e tyre në protestën e parë të mbajtur më 17 shtator, nuk janë realizuar ende nga Qeveria, transmeton Gazeta Shneta.
“Qytetarët e Republikës së Kosovës duhet ta kenë të kjartë se me qasjen aktuale të Qeverisë ndaj punonjësve shëndetësor po bëhet shkatërrimi i sistemit publik shëndetësor,gjë e cila do të sjell ndikimet e veta mbi nevojat direkte të qyetarit të RKS-së”, thuhet në reagim.
Reagimi i plotë:
Duke patur parasysh që kanë kaluar tre javë nga Protesta publike e përfaqësuesve sindikal të punonjësve të shëndetësisë, Protestë në të cilën u shpalosën kërkesat për shtesat në pagë sipas Ligjit me nr. 06/L-007 për parandalimin dhe luftimin e Pandemisë COVID-19 dhe për fillimin e procedurave të plotësimit dhe miratimit të Ligjit mbi Pagat me theks të veqantë që të futet në parashikimin e buxhetit për vitin 2022 dhe mosrespektimin absolut nga Qeveria, Federata e Sindikatave të Shëndetësisë së Kosovës në mbledhjen e mbajtur me datë 07.10.2021 PARALAJMËRONË se menjëherë pas datës 17.10.2021 pra, pas procesit zgjedhor komunal do të organizojë PROTESTËN e rradhës e cila do të jetë më masovike se ajo e datës 17.09.2021.
Qytetarët e Republikës së Kosovës duhet ta kenë të kjartë se me qasjen aktuale të Qeverisë ndaj punonjësve shëndetësor po bëhet shkatërrimi i sistemit publik shëndetësor,gjë e cila do të sjell ndikimet e veta mbi nevojat direkte të qyetarit të RKS-së.
Kërkojmë që kjo Qeveri të reflektojë sepse kuadri shëndetësor-mjek e infermier janë duke u larguar nga sistemi publik dhe nga Republika e Kosovës.