Gjinekologia Drita Kabashi ka marrë një falënderim special nga një nënë e cila lindi fëmijën e saj gjatë ditës së djeshme.
Kabashi ka pranuar një mesazh në viber nga nëna e cila falënderon Zotin që ia solli fëmijën në jetë, por edhe për takimin me mjeken e cila e përcolli shtatzëninë e saj, transmeton Gazeta Shneta.
“Përshëndetje Doktoresha ma e mira. Sot me datën 01.11.2017 në ora 13:40 erdhi në jetë engjellusha jonë Hira. Falenderimi i takon Zotit për gjithçka por edhe për atë që ne u takuam me ty”.
“Çdo sekond minut orë ditë javë muaj e vite do të kujtojë do të respektoj dhe do të dua si nënën time për çdo gjë që keni bërë për neve. Lutem Zotit të keni shëndet ju dhe gjithë familja juaj”, i ka shkruar kjo nënë, doktoreshës Kabashi.
Gjinekologia është emocionuar nga fjalët e kësaj nene.
“Pacientet e mija të dashura, a ka diçka më të lumtur sesa me punën tënde të bëhesh aq e afërt sa të duan të quajnë e konsiderojnë nënë pacientet e tua”, ka shkruar Kabashi.
Ajo e ka publikuar mesazhin me qëllim që t’i inkurajoj studentet e vitit të parë të Fakultetit të Mjekësisë, pasi thotë se ua beson rrugëtimin e vështirë.
Në fund ajo i ka uruar prindërit e Hirës për jetë të lumtur. /Gazeta Shneta/
