Jemi mësuar që nga fëmijëria t’i pastrojmë veshët tanë me anë të tamponëve prej pambuku për veshë, por a ja keni parashtruar ndonjëherë vetës pyetjen nëse ky pastrim është i sigurt për mirëqenien e veshit tuaj?
Ndoshta nuk e keni vënë re, por edhe vet në paketimin e këtyre tamponëve shkruan: “Mos e fusni tamponin në kanalin e veshit tuaj.” Po të flisni edhe me një doktor të specializuar në ORL, do t’iu thotë po të njejtat gjëra!
“Ne gjithmonë themi, “Asnjëherë mos fusni diçka më të vogël sesa bërryli juaj në vesh,” thotë Dr.Martin Burton, profesor i shkencës së Otolaringologjisë në Universitetin e Oksfordit të Britanisë së Madhe. Depërtimi i gishtit apo tamponit brenda veshit tuaj, mund të dëmtoj apo irritoj lëkurën super-delikate të kanalit, të fus bakterie të jashtme brenda, apo edhe të shpojë timpanin e veshit, shprehet tutje dr.Burton.
Sipas ekspertëvve të tjerë, të cilët janë pjesë e Universitetit të Oksfordit, vet forma e tamponit të veshit, është e pa menduar mirë. Për arsyen se në vend se të nxirret dylli ose papastërtia nga veshi, ju vetëm sa e shtyeni atë edhe më thellë. Pas kësaj shtyerje, ndodhë bllokimi i kanalit të veshit, gjë që zakonisht rezulton me humbje të pjesshme të dëgjimit, apo edhe vështirë në proceset e nevojshme të fytit, veshit, dhe hundës, shkruan Time, transmeton Gazeta Shneta.
Si duhet të pastrojmë veshët sipas doktorëve?
Realisht, një gjë e tillë nuk iu duhet ta bëni fare! Prezenca e dyllit në veshin tuaj, është aty për një arsyeje. Arsyeja është, se ai ndihmon të filtroj dhe të bllokojë pluhurin, papastërtinë, insektet e vogla, dhe të gjitha gjërat e panevojshme dhe të dëmshme të cilat nuk duhet të arrijnë brenda veshit tuaj apo brenda gjithë organizmit, shprehet dr.Burton. /Gazeta Shneta/