Shumë njerëz ëndërrojnë për një pension të parakohshëm, një mundësi për të shijuar lirinë dhe pushimet e jetës. Megjithatë, studimet tregojnë se pensionistët e rinj mund të jenë më të rrezikuar për zhvillimin e demencës krahasuar me ata që vazhdojnë të punojnë deri në moshën e mëvonshme.
Shkencëtarët kanë zbuluar se braktisja e punës para moshës 60 vjeç lidhet me një përshpejtim të rënies njohëse dhe humbje të kujtesës në vitet në vazhdim.
Një nga shpjegimet kryesore është mungesa e stimulimit mendor që puna ofron gjatë ditës, duke reduktuar sfidat intelektuale dhe aktivitetin konjitiv të individit.
Pensionimi shpesh shoqërohet gjithashtu me rënie të aktivitetit social dhe pak ndërveprime me të tjerët, një faktor tjetër që lidhet me përkeqësimin e funksioneve njohëse.
Izolimi social mund të nxisë gjithashtu zakone joserioze të jetesës, si dieta e pashëndetshme dhe mungesa e aktivitetit fizik, të cilat rrisin rrezikun për demencë.
Kjo sugjeron se ruajtja e aktivitetit mendor dhe shoqëror është thelbësore pas daljes në pension, dhe se pensionimi i parakohshëm duhet të shoqërohet me strategji për stimulim mendor, aktivitete fizike dhe ndërveprim social për të mbrojtur shëndetin e trurit. /Gazeta Shneta/