Veton Abdullah Topxhiu, një teknik laborant mjekësor nga Vushtrria, ka përfunduar karrierën e tij të gjatë dhe të suksesshme pas 45 viteve shërbimi në Qendrën Kryesore të Mjekësisë Familjare (QKMF) në Vushtrri.
Topxhiu, i cili ishte një figurë e respektuar në fushën e mjekësisë, kontribuoi për dekada të tëra në kujdesin shëndetësor të qytetarëve të Vushtrrisë.
Përkushtimi dhe profesionalizmi i tij mbeten një shembull frymëzimi për kolegët dhe brezat e rinj të profesionistëve shëndetësorë.
Shërbimi i tij i gjatë dhe i pandërprerë mbetet një trashëgimi që do të vlerësohet për shumë vite./Vushtrria Online/