Një studim i fundit i publikuar në revistën shkencore “Frontiers in Psychology” ka zbuluar se konsumimi i djathit apo produkteve të tjera të bulmetit para gjumit mund të rrisë ndjeshëm mundësinë për të pasur makthe të forta.
Efekti është vërejtur veçanërisht tek personat që vuajnë nga intoleranca ndaj laktozës ose kanë alergji ushqimore.
Sipas studiuesve, kjo lidhet me shqetësimet në tretje që ndikojnë në cilësinë e gjumit në fazën REM.
Në këtë fazë të gjumit ndodhin edhe ëndrrat më shqetësuese. Ato që duken fiks si realitet.
Ky zbulim ngre pikëpyetje për zakonet tona ushqimore para gjumit dhe mund të shërbejë si paralajmërim për ata që kanë ndjeshmëri ndaj bulmetit.